رسومها تتراوح بين 500 و 2000 دولار للكليات النظرية والتطبيقية
أمين جهاز السودانيين في الخارج :


كمال حامد (الخرطوم)
يبدأ في مطلع العام الدراسي المقبل(2008م) قبول اول دفعة في جامعة المغتربين , وقال الامين العام لجهاز تنظيم شؤون السودانيين العاملين بالخارج المهندس تاج الدين المهدى ان مشروع جامعة المغتربين كمشروع استراتيجي توليه الدولة ممثلة في الجهاز لاحداث نقلة نوعية في التعليم العالي بالسودان وتوفير مقاعد دراسية كافية لحل مشكلة تعليم ابناء المغتربين , ويجيء تنفيذا لتوصية مؤتمر المغتربين الخامس الذي وجد المباركة والتأييد من الرئيس عمر البشير لمساهمته في معالجة قضية قبول ابناء المغتربين وتحقيق رغباتهم في القبول بالجامعات السودانية . واكد عقب اجتماعات اللجنة الموسعة لانشاء جامعة المغتربين بالجهاز ان المشروع الذي يضاف إلى مساهمات المغتربين إضافة الى استقرار اساتذة الجامعات العاملين بالخارج والاستفادة من خبراتهم وتخصصاتهم ويكون اضافة نوعية للتعليم العالي في السودان يستفيد منه ابناء السودان جميعا والطلاب من دول الجوار. واوضح ان اللجنة التي تم تكوينها بالداخل ارتكز عملها على قيام جامعة على اساس اقتصادي تقابل نفقاتها من ايراداتها وتعتمد آخر تقنيات التعليم في العالم وتركز على البرامج الأكبر رغبة وتقوم على المغتربين في المقام الأول وتعطيهم اعتبارا خاصا في القبول ، وتبنى في موقع يجمع كل مؤسساتها في مكان واحد وتنشأ مصادر تمويل ويتم تنفيذها على مراحل
وابان ان دراسة الجدوى للجامعة شارك في تأسيسها بصورة علمية اساتذة الجامعات من الداخل والخارج
من جانبه اكد رئيس اللجنة في الخارج ومقرر لجنة تأسيس شركة جامعة المغتربين دكتور عماد الدين حاكم ان الاجتماعات خرجت بمقررات وحدت الجهود الفكرية والمادية المقدمة من المغتربين والجهاز والتي تمثل الجزء الأساسي في انشاء المشروع اضافة إلي مساهمات الشركاء الآخرين من الشركات والمؤسسات التي ابدت الرغبة في المساهمة
وقال ان مشاركة المغتربين تتم من خلال شركة المغتربين للتعليم والتقانة والبحث العلمي الخاصة بهم والتي تشارك بنسبة 60% من جملة اسهم المشروع في شركة الجامعة ويجري الاكتتاب للمؤسسين فيها من افراد وشركات في مختلف دول الاغتراب توطئة لتسجيلها رسميا لدى مسجل الشركات في السودان وبدء الخطوات العملية لتنفيذ المشروع
واعلن ان فريق عمل متخصص قد تم تكوينه في اجتماعات اللجنة لوضع خطة العمل التي بموجبها تحدد مراحل تنفيذ مشروع الجامعة حسب الخطوات والاجراءات الرسمية ، وتكفل جهاز المغتربين بتوفير مقر للجنة ودعم ميزانية تسيير عملها وحددت اللجنة ستة اشهر لتكملة اجراءات تسجيل الجامعة رسميا والحصول علي التصديق بفتحها من وزارة التعليم العالي ليبدأ قبول اول دفعة من طلابها العام القادم
واهابت لجنة تأسيس شركة المغتربين للتعليم والتقانة والبحث العلمي بجميع المغتربين للاكتتاب كمؤسسين في الشركة من خلال اللجان المكلفة في مختلف دول المهجر.
واشار رئيس اللجنة الى أن اللجنة حددت الرسوم الدراسية بين ( 500 - 2000 ) دولار امريكي للكليات النظرية والتطبيقية.

مشكور وماقصرتا على المعلومة

ولو يا جميل نحنا لي بعض والبهمنا بهمك

وتسلم يامااااااااان ع المرووووووووور

والله فعلا في ظلم ضد ابناء المغتربين يعني يجيب معدل زي الناس واخر شي ينظلم وما يلقى تخصص فعلا في ظلم حااصل وانا في جامعة المغتربين دي عندي فيها اراء كدا الراي اول هي فكره حلوهأ ورائعه تساعد ابناء المغتربين في ايجاد فرصهم اللي انظلموا فيها دي من ناحيه من ناحيه اخرى هل الجامعه دي معترفه بيها دوليا ؟ وهل اذا مشيت بيها ايا مكان يعتبروها شهاده معترفه وعلى اثرها اقدر امارس وظيفتي ؟ هنا اسالتي يعني وما لقيت ليها اجابه شافيه ,, لكين هي فكره رائعه في حق ابناء المغتربين لكين كمان ما ديرين ندفع وبعدين نتمقلب .. وفي الختام تقبل تحياتي يا ميزو وتسلم الايادي على الطرح دمت بود

هل الجامعه دي معترفه بيها دوليا ؟
طبعن اخوي الجامعة مابعترفوا بيها دوليــاً إلا إذا خرجت دفعات ليها تحصيل علمي ممتاز
بعدين الحلوة في الجامعة دي انو الإصطاف من دكاترا وبروفات كلهم سودانيين بدرسو في جامعات خارج السودان يعني الجامعة هي بحد ذاتها بتستقطب الخبرات السودانية في الخارج
وهل اذا مشيت بيها ايا مكان يعتبروها شهاده معترفه وعلى اثرها اقدر امارس وظيفتي ؟

زي ما قلتا ليك الجامعة لازم ترفع اسمها بي تعليم الدفعات المنتظمه داخلها
ولحدي مايعترفو بيها لازم تتخرج اربع دفعات من الطلبــة


ارجو ان اكون وضحت لك ماقد شــاب في ذهنكــ
وانا تحت خدمتك يا عزيزي